ਲਾਲ ਸਿੰਘ ਦਸੂਹਾ

ਕਹਾਣੀਕਾਰ ਲਾਲ ਸਿੰਘ 21ਵੀਂ ਸਦੀ ਦੇਕਹਾਣੀਕਾਰ ਵੱਜੋਂ ਸਨਮਾਨਿਤ

ਹਿੰਦੂ ਕੰਨਿਆ ਕਾਲਜ ਕਪੂਰਥਲਾ ਦੇ ਪੋਸਟ ਗਰੈਜੂਏਟ ਪੰਜਾਬੀ ਵਿਭਾਗ ਵੱਲੋਂ ਪੰਜਾਬ ਕਲਾ ਪਰਿਸ਼ਦ , ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਕਰਵਾਏ ਇੱਕ ਰੋਜ਼ਾ ਰਾਸ਼ਟਰੀ ਸੈਮੀਨਾਰ ਜੋ ਕਿ “21 ਵੀ ਸਦੀ ਦੀ ਪੰਜਾਬੀ ਕਹਾਣੀ ” ਦੇ ਸਬੰਧ ਵਿੱਚ ਕਰਵਾਇਆ ਗਿਆ, ਦੌਰਾਨ ਕਹਾਣੀਕਾਰ ਲਾਲ ਸਿੰਘ ਨੂੰ 21ਵੀਂ ਸਦੀ ਦੇ ਕਹਾਣੀਕਾਰ ਵੱਜੋਂ ਸਨਮਾਨਿਤ ਕੀਤਾ ਗਿਆ । ਇਹ ਸਨਮਾਨ ਡਾ. ਕਰਮਜੀਤ ਸਿੰਘ ਕੁਰਕੇਸ਼ਤਰ ,ਡਾ ਸਰਬਜੀਤ ਸਿੰਘ ਚੰਡੀਗੜ੍ਹ ,ਡਾ ਹਰਚੰਦ ਸਿੰਘ ਬੇਦੀ ਅਮ੍ਰਿਤਸਰ , ਪ੍ਹਿੰਸੀਪਲ ਅਰਚਨਾ ਗਰਗ ਕਪੂਰਥਲਾ ,ਡਾ ਭਪਿੰਦਰ ਕੌਰ ਕਪੂਰਥਲਾ , ਅਤੇ ਡਾ ਜਸਵਿੰਦਰ ਸਿੰਘ ਸੈਣੀ ਵੱਲੋਂ ਸਾਂਝੇ ਤੌਰ ਤੇ ਦਿੱਤਾ ਗਿਆ । ਇਸ ਸਮੇਂ ਡਾ ਭੁਪਿੰਦਰ ਕੌਰ ਨੇ ਕਹਾਣੀਕਾਰ ਲਾਲ ਸਿੰਘ ਦਸੂਹਾ ਨੂੰ ਪੰਜਾਬੀ ਦਾ ਸਿਰਮੋਰ ਕਹਾਣੀਕਾਰ ਦੱਸਿਆ ਅਤੇ ਕਿਹਾ ਕਿ ਲਾਲ ਸਿੰਘ ਸਮਕਾਲੀ ਪੰਜਾਬੀ ਕਹਾਣੀ ਦਾ ਵਿਸ਼ੇਸ਼ ਨਾਮ ਹੈ । ਉਹ ਚੌਥੇ ਪੜਾਅ  ਦੀ ਪੰਜਾਬੀ ਕਹਾਣੀ  ਦੇ ਵੱਖਰੇ ਰੁਝਾਨਾਂ ਵਿੱਚ ਪ੍ਰਤੀਨਿਧੀ ਭੂਮਿਕਾ ਨਿਭਾ ਰਿਹਾ ਹੈ । ਚੌਥੇ ਪੜਾਅ ਦੀ ਕਹਾਣੀ ਨੂੰ ਵਸਤੂ , ਰੂਪ ਅਤੇ ਦ੍ਰਿਸ਼ਟੀ ਪੱਖੋਂ ਨਵਾਂਪਨ ਦੇਣ ਵਿੱਚ ਕਹਾਣੀ ਦੇ ਆਲੋਚਕਾਂ ਵੱਲੋਂ ਕਥਾਕਾਰ ਲਾਲ ਸਿੰਘ ਦੀ ਭੂਮਿਕਾ ਅਹਿਮ ਮੰਨੀ ਜਾ ਰਹੀ  ਹੈ। ਉਹਨਾਂ ਕਿਹਾ ਕਿ ਲਾਲ ਸਿੰਘ ਪ੍ਰੋੜ ਉਮਰ ਦਾ ਕਥਾਕਾਰ ਹੈ,ਪਰ ਉਸ ਦੀ ਕਥਾ ਚੇਤਨਾ ਵਿੱਚ ਉਹ ਸਭ ਕੁਝ ਹੈ ਜੋ ਚੌਥੇ ਪੜਾਅ ਦੀ ਕਹਾਣੀ ਦੀ ਵੱਖਰਤਾ ਵਿੱਚ ਮੌਜੂਦ ਹੈ  । ਇਹ ਪੁਰਸਕਾਰ ਕਹਾਣੀਕਾਰ ਲਾਲ ਸਿੰਘ ਨੂੰ ਉਹਨਾਂ ਵੱਲੋਂ ਕਹਾਣੀ ਖੇਤਰ ਵਿੱਚ ਪਿਛਲੇ 50 ਵਰ੍ਹਿਆਂ ਵਿੱਚ ਪਾਏ ਯੋਗਦਾਨ ਬਦਲੇ ਦਿੱਤਾ ਗਿਆ । ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਪੋਫੈਸਰ ਜਸਵਿੰਦਰ ਸਿੰਘ, ਸ੍ਰੀ ਤਿਲਕ ਰਾਜ ਅਗਰਵਾਲ, ਡਾ ਧਨਵੰਤ ਕੌਰ, ਡਾ ਲਖਵਿੰਦਰ ਜੋਹਲ, ਡਾ ਅਰਚਨਾ ਗਰਗ, ਡਾ ਬਲਦੇਵ ਸਿੰਘ ਧਾਲੀਵਾਲ , ਡਾ ਸਰਬਜੀਤ ਸਿੰਘ , ਡਾ ਦਰਿਆ , ਡਾ ਜੇ ਬੀ ਸੋਖੋ ,ਡਾ ਬਲਜਿੰਦਰ ਸਿੰਘ ਨਸਰਾਲੀ , ਡਾ ਹਰਜਿੰਦਰ ਸਿੰਘ ਅਟਵਾਲ, ਡਾ ਜਸਵਿੰਦਰ ਸਿੰਘ ਸੈਣੀ , ਡਾ ਹਰਚੰਦ ਸਿੰਘ ਬੇਦੀ ,  ਡਾ ਸੁਖਵਿੰਦਰ ਸਿੰਘ ਰੰਧਾਵਾ , ਡਾ ਪਰਮਜੀਤ ਕੌਰ , ਡਾ ਸਰਘੀ , ਡਾ ਸੁਰਜੀਤ ਬਰਾੜ, ਡਾ ਕਰਮਜੀਤ ਸਿੰਘ , ਸੁਰਿੰਦਰ ਸਿੰਘ ਨੇਕੀ , ਪੰਮੀ ਦਿਵੇਦੀ ਸਮੇਤ ਕਈ ਸਾਹਿਤਕਾਰ ਅਤੇ ਪਾਠਕ ਹਾਜ਼ਿਰ ਸਨ ।